Lammual-ah 'Tribal Power Music Fest (Bukna Dik)' nei dawn

H&B Water Park bul tumin 'Tribal Power Music Fest (Bukna Dik)' chu Lammual-ah March ni 20 & 21, 2026 hian neih a ni dawn. University & College Beat Contest buatsaih a nih bakah Mizorama band ṭha leh zaithiam lar ten concert pui tak an nei bawk ang.

Event hi Mizo rimawi khawvela hming dai tawh lo tur, band kan neih tawha an vanglaia huhang nei lian ber te zinga mi 'Tribal Power' rimawi tribute niin, a ni khatna March 20 chhun lamah Lammual-ah University & College Beat Contest a awm dawn a, Tribal Power hla an duh panga leh anmahni hla duh zawng hla dang pakhat hmangin an intihsiak ang. Zan lamah solo artist leh band lar tak tak ten concert an nei dawn a ni. March 21 chhunah beat contest final neih a ni ang a, zan lamah tunlai Mizo zaithiam leh band larte bakah 'Tribal Power' concert in a zui dawn bawk.

Music fest-ah hian a hming tumtu 'Tribal Power' bakah Mood Station, Magdalene, Boomarang, Drop Doubt, The Prophets, Triau Traxx, Knot Band leh Sunset City te leh beat contest a Top 3 te an perform dawn. Zaithiam rual Ruatpuii, Bzi Tochhawng, Mimi Renthlei, Matilda Amawii, Lilzo, Youngfella, Lilac, Jaui, Siampuii Ralte, Youth Icon 2024 Lalsangliana (Taitea) leh Mizo Idol 2025 Immanuel te an zai dawn bawk a ni.