MZI-in inter-college beat contest huaihawt dawn

Mizo Zaimi Inzawmkhawm (MZI) General Headquarters chuan March 4 leh 5 hian -Vanapa Hall-ah inter-college beat contest a buatsaih dawn. Mizoram district hrang hrang aṭangin college eng emaw zatin an tel tur thu an tichiang tawh a, inbuatsaihna an kalpui chho mek a ni.

Beat contest-a tel turte chuan hla pahnih - Mizo hla leh sap hla online-a an thehluh chu endiktuten an endik hnuah a ṭha zual 10 an thlang chhuak dawn a, March 4 leh 5 hian Vanapa Hall, Aizawl-ah Grand Finale neih a ni ang.

Inelnaa college band thiam bera thlan chuan lawmman Rs nuai 1 an dawng dawn a; runners-up, top 10 chin leh mimal ti ṭhate lawmman ṭha tak siamsak an nih bakah, finalist zawng zawng tan lawmman siam a ni bawk ang. MZI General Headquarters hian kum kalta khan inter-high school & higher secondary school beat contest hlawhtling takin an lo huaihawt tawh bawk a ni.