November-ah 'Ramayana Part 1' tlangzarh dawn

Indian actor Ranbir Kapoor chuan a channa film, 'Ramayana Part 1' chu kumin November thlaa a fanu Raha pianchamah tlangzarh a ni dawn tih Instagram-a 'Ask Me Anything' tih live session-ah a sawi lang. Ranbir chuan a fanu piancham leh film tlangzarh hun a inrual tur chu thil lawmawm tak a nih thu a tarlang.

Ranbir hian social media hmang lo mah se, Instagram user-te chu ama lifestyle brand ARKS kaltlangin a be pawp ṭhin a ni. Instagram live session hi ARKS anniversary lawmna atana buatsaih a ni a, session-ah hian Ranbir chuan a drama channa dang, 'Love & War' chungchang a sawilang bawk. He drama-ah hian Alia Bhatt leh Vicky Kaushal-te nen an chang a, kumin August thlaa tlangzarh tura ruahman ni mah se, kumin kumtawp emaw nakkum emawa tlangzarh tura tih a ni leh ta zawk a ni.