India-ah ChatGPT kartina hmangtu mtd 100 vel awm

India sorkarin AI summit a hman mekah ChatGPT CEO Sam Altman chuan India-ah kartin ChatGPT hmangtu maktaduai 100 vel an awm tih a sawi. Altman hian Pathianni khan ChatGPT India-a aṭhan dan hrang hrang tarlanna a tlagzarh a ni. OpenAI hian AI Summit Delhi-a neih turah company executive-ten hun an rawn hmang ve dawn tih a tarlang tel bawk.

ChatGPT siamtute hian August 2025 khan New Delhi-ah office an hawng tawh a ni. Altman chuan India chu khawvel huapa ChatGPT hmangtu tam lamah pahnihna a nih thu a tarlang. ChatGPT hi khawvel pumah kartina hmangtu mtd 800 chuang an awm tling tawh a, hun rei lote chhungin hmangtu hi mtd 900 an tlin theih an beisei.

India rama ChatGPT hmangtu tam zawk chu zirlai an ni. Khawvel huap pawhin India mi zirlaite chu ChatGPT hmang tam ber an ni mek bawk. Hemi avang hian Google pawhin kum 2025 September aṭang khan India zirlai tan an AI pro plan chu kum khat chhung a thlawna hman theih turin an lo ruahman tawh a ni.