2026 Brawl Cup, Germany-ah neih a ni dawn

Esports tournament organiser, BLAST chuan tunlaia game developer lian leh ṭha duang tak SuperCell siam "Brawl Stars" huanga inelna lian '2026 Brawl Cup' chu Berlin, Germany-ah huaihawt a nih tur thu an puang. Tournament buatsaih tur atan hian BLAST chuan Brawl Stars hi nikum kum tawp lamah kum eng emaw zat chhung daih tur thawhpuina a lo ziahpui tawh a ni.

Brawl Cup inelnaah hian a vawi khatna turin Uber Eats Music Hall-ah live event buatsaih a ni dawn a, event hi May 15 -17 thleng a awh ang. Ticket man leh chanchin kimchang chu puan chhuah leh tura tih a ni. Hei bakah hian BLAST chuan global calender event pawh siam belh an tum a, kumin vek hian hmun dang pahnihah inelna buatsaih leh tum niin a hun tur tihfel a la ni lo thung.

Nikumah Brawl Star siamtu Supercell chuan February- October chhung khan inelna vawi ruk ngawt an lo buatsaih tawh a, heng inelna hrang hrang aṭanga lawmman sem chhuah zawng zawng hi USD mtd 2 a tling pha a ni.