Lamb of God in an logo thlak chhan sawifiah

Lamb of God band-in thla liam taa album tihchhuah tur an puan ṭuma an fan-ten an ngaihven zui tak, cover artwork-a an band logo an thlak chungchang chu frontman Randy Blythe chuan a sawifiah. Blythe chuan logo hlui chu “falafel restaurant menu” a ang lutuk a, hei vang hian thlak a ngai tawh a ni, a ti.

Veteran metal band hian an logo hmasa hi kum 20 vel hmang tawhin, an album 10 zinga pakuaa cover-ah an dah tel vek a, mahse kum 2009-a tihchhuah 'Wrath' album-ah erawh an dah tel lo thung. An album thar tur, 'Into Oblivion' hi March 13-ah a chhuak dawn a, logo thar a lang tawh ang. Lamb of God hian logo thar nen March 17 aṭangin North American Tour an nei zui dawn a, November thla thleng neih an tum.