Call of Duty: Warzone Mobile server April-ah titawp dawn

Games developer hlun, Activision chuan an kutchhuak zinga ngaihven hlawh tak Call of Duty: Warzone Mobile server chu kumin April 17-ah tihtawp (Shutdown) a nih tur thu an puang. Game server tihtawp a nih hma hian publisher lam chuan games an thlawpna hi kum 2025 May khan an lo titawp tawh a, hemi hnu hian kum khat dawn games hi shutdown a lo ni tawh a ni.

Actvision chuan games hian mobile-first player-te beisei a pha lo hle tih tarlangin, hemi avang hian battle royale game hi tihtawp a ni dawn ta a ni. Mahse, Activision hian iOS leh Android lamah hming hrang nei, an kutchhuak games tho 'Call of Duty: Mobile' lamah update an siam dawn thung niin an tarlang. Warzone Mobile hi kum 2022 September khan tihchhuah tur an puan aṭanga kum hnih hnuah an tlangzarh a, PC leh console lama Warzone an tihchhuah hnuah chauh tihchhuah a ni thung.