Loudwire Breakthrough artist of the Decade Greta Van Fleet

Online magazine lar tak, hard rock leh heavy metal music lam cover ṭhin chuan American rock band Greta Van Fleet chu Breakthrough artist of the Decade-ah a thlang a, Behemoth album 'The Satanist' chu Metal Album of the Decade-ah thlangin Halestorm chu Rock Artist of the Decade-ah an thlang bawk.

Led Zeppelin ngaithla ṭhin tan chuan hmaih phal chi an ni lo. An music genre pawh hard rock bakah blues rock a ni tlangpui a, an guitar riff phuahte pawh Jimmy Page riff a ang lek lek hlawm. Chumai a la ni lo, an vocalist Josh Kiszka aw pawh Robert Plant aw nen khiakhin loh theih a ni lo. Hei vang hian mi tam tak chuan Led Zepplin nen an khaikhin nasa reng a, Robert Plant ngei pawhin tunlai band lar thar zinga a ngainat ber zinga mi a nih thu leh Josh awm pawh mawi a tih thu a lo sawi tawh bawk.

Guitarist Jake Kiszka, bassist Sam Kiszka leh vocalist Josh-te hi unau hian 2012 khan Greta Van Fleet hi an din a, 2013 khan drummer Danny Wagner hian a zawm ve leh a ni. 2017 khan Loudwire vek hian Best New Artist award a hlan tawh a, kumin iHeartRadio Music Awards leh Grammy Awards pakhat ve ve an dawg tawh bawk a ni.

Halestorm hi chu tunlaia rock music ngaithla nasate chuan an hriat ngei ngei tur zinga mi a ni, 1997-a Lzzy Hale leh a unaupa Arejay-te din tawh kha niin, Loudwire chuan tunhnai kum 10 chhunga rock band active ber an nih thu a tarlang.

Album pathum tlangzarh tawhin 2013 khan Grammy Awards (Best Hard Rock/Metal Performance) an dawng tawh bawk.

Polish extreme metal band Behemoth studio album 10-na February 3, 2014 a tlangzarh,  The Satanist chu Loudwire chuan Metal Album of the Decade-ah a tlang.