Billboard Women in Music 2019 Woman of the Year Billie Eilish

Kumin chu American tleirawl Billie Eilish tana kum ṭha a ni tih phat rual a ni lo. Rimawi huanga chawimawina langsar an sem apiangah kum 18 a tlin hma hauh aṭangin pakhat tal a dawng ve ziah. Nizan hmasaa sem  Billboard's Women in Music event-ah pawh 2019 Woman of  the Year-ah thlan a ni leh tawh.

Billie Eilish hi Billboard's Woman of the Year ni thei naupang ber a ni a, August thla khan a Album 'Bad Guy' chuan  Billboard Hot 100-a kar 19 zet pakhatna ni thei Lil Nas X- "Old Town Road" a rawn nekchhuak tawh bawk a, hei hian boruak a neih len zia a tilang awm e.

A tichhuah thar apiangin stream a hlawh em em vek a, award semnaah mai ni lo kumin chhunga music streaming service hrang hrangin hla stream-tu tam list an tichhuah apiangah a cheṭha ber pawl a ni chho char char bawk. Kum­in Grammy Award-ah khan nomination paruk teh meuh a hmu thei a, category lian paliah award a la bawk a ni.

Nikum khan Billboard's Woman of the Year chawimawina hi Ariana Grande hnenah hlan a ni a, Selena Gomez, Lady Gaga leh Taylor Swift-te pawhin an lo dawng tawh bawk.

Tarlana fo tawh angin Ningani zan khan Taylor Swift hnenah Billboard's Wo­man of the Decade chawimawina hmasa ber chu hlan a ni ta. Taylor Swift lar zia sawi­ nawn a ngai lo a, a lar a kal­tluang bawk.Tun decade kal mek ṭantirhah kha chuan kum 20 chauh a la nih thu sawiin, hmeichhe hlawhtlinna phena inphumru, a bikin mipa inrawlh an awm em tih zawhna hmei­chhiaten an dawng fo chu a sawi­sel bawk. Rimawi industry-a hmeichhe hlawhtlinna chhana hrilhfiahna miin an zawng ṭhin chu a sawisel a ni.

Nicki Minaj hnenah Game Changer Award hlan a ni a, Ali­cia Keys chuan Impact Award dawng bawkin,  Alanis Morissette hnenah Icon Award hlan a ni bawk.

Woman of the Decade Award            Taylor Swift

Woman of the Year Award                Billie Eilish

Rising Star Award                            Rosalía

Trailblazer Award                            Brandi Carlile

Icon Award                                         Alanis Morissette

Impact Award                                    Alicia Keys

Powerhouse Award    Megan             Thee Stallion

Game Changer Award                    Nicki Minaj