MIZORAM FILM FESTIVAL 2026 buatsaih dawn

Mizoram sorkar hnuaia Directorate of Information and Public Relations chuan tualchhunga film industry-in hma a sawn zel theihna turin "Mizoram Film Festival 2026" buatsaih tum a nih thu Nilaini khan an puang. Mizorama a vawi khatna turin "Lemchan - Mizoram Film Festival" chu March 16-18 chhung hian neih a ni dawn a ni.

Film festival buatsaih tur hi a hlawhtlin theihna tur hian IPRP&S Secretary Betsy Zothanpari Sailo kaihhruaiin 'Festival Organising Committtee' din nghal a ni a, Festival director K Vanlalsangi, I&PR Director ni bawk kaihhruaiin committee an ṭhutkhawm a; festival kalphung leh kalpui a nih dan turte an sawi ho nghal.

Hei bakah hian I&PR buatsaih 'Mizoram Short Film Competition 2026' a endik tura ruat te'n ah intihsiakna atana short-film theh luhte an endik bawk. Intihsiaknaah hian short-film 41 thehluh niin film insiamsiak buatsaih tawha tel an la tam ber ṭum a ni pha. Intihsiakna result hi February 24 ah puangin, a tiṭhate hnenah lawmman sem a ni ang.

March 12 leh 13-ah Chapchar Kût pualin I&PR Mini Theatre, Lianchhiari Run-ah Mizo Film Show an buatsaih leh dawn bawk a, hetah hian intihsiaknaa tel short film eng emaw zat bakah Mizo feature film-te chhuah a ni ang.