Mizo film thar 'Tlân Rawh' Lersia Play-ah en theih dawn

JMV Production kut chhuak, Mizo film thar "Tlân Rawh" chu zanin aṭangin Lersia Play-ah en theih a ni dawn ta. He film hi Puii Sailo ziah niin, a thawnthu hi YouTube channel lamah chhiar a lo ni tawh.

Film director hi Mizo film industry-a mikhual lo tak, Makima Chawngthu 'Leitlang Picture' pûm chhuak zinga mi a ni. Mizo Film Award pawh lo la tawhin "Hremhmun Short Cut" movie-ah khan "Best New Actor In A Leading Role" a la a ni. DoP hi "Keimahni" Mini Series DoP Saktea a ni. A changtute zinga mi, Hriatpuia leh Kimkimi Hmar hi kum 2025 Chapchar Kuta Chawngmawii leh Hrangchhuana Drama, Lammuala show-a changtute kha an ni.

A changtute zingah lemchan lamah mi lar sa leh experience nei an awm lo a, mahse experience nei lo tih hriat loh khawpin an chang thiam thung. A story hi a ṭha in a ngaihnawm a, hmuhnawm thawkhat viau tura ngaih a ni.