IFPI biggest‑selling global single of 2025 ah "APT"

BLACKPINK star Rosé leh Bruno Mars single hit em em mai "APT" chu IFPI -in kum 2025 chhunga single tihchhuah hralh tla berah a thlang. Hei bakah artist pahnih thawh dunna hi English ṭawng ni lo nena inpawlh hlain global single chart leh North America leh Europe pawnlama single chart a thunun vawi khatna a ni bawk. 'APT' hi Hot 100-ah kar 45 chhung lang theiin pakhatna pawh a lo ni fo tawh bawk.

Bruno Mars hi kum 2011 hnua a vawi khatna turin IFPI global single chart-ah No. 1 a ni leh thei ta a ni. Bruno hian kum 2011 khan a hla hit "Just The Way you Are" hmangin No.1 a lo nihpui tawh a, Rosé erawh a vawikhat nihna a ni thung.

Netflix animation lar leh ngaihven hlawh KPop Demon Hunters fictional girl group HUNTR/X hla Golden chu pahnihnaah awmin animation film a hla pahnih chart-ah hian a lang thei bawk. Lady Gaga leh Bruno Mars hla "Die With a Smile" pawh palinaah langin Bruno Mars telna hla pahnih a lang a ni.