"Sonic the Hedgehog 4" ah Kristen Bell-in aw thawh dawn

Japanese game developer lar, Sega hnuaia video games khelh nasat ber pawl 'Sonic the Hedgehog' live-ation-ah Sonic bialnu tia kan hriat lar ṭhin Amy Rose aw chu American actress, singer leh producer ni bawk Kristen Bell-i'n a thawh dawn. Sonic aw thawhtu Ben Schwarts chuan "WE HAVE OUR AMY ROSE!!!" tiin a IG post caption-ah a tarlangin Kristen Bell hi a mention bawk.

Amy Rose aw thawhtu tur Kristen hian voice artist lamah sulhnu a lo nei ṭha tawh hle a, animation hit hrang hrang zingah Frozen-a princess Anna , Zootopia 2-a samuang awte kha a lo thawh tawh a ni. Hei bakah hian television lamah pawh "Gossip Girl" narator-te lo ni tawh ṭhinin, film lar tak takah a lo chang tawh ṭhin bawk a ni.

Sonic film palina tur hi film franchise dang pawh lo direct tawhtu Jeff Fowler-in a direct leh dawn a, Sonic franchise chhuak tawh zawng zawng aṭang khan USD tld 1 global box office aṭangin an la lut tling tawh. Sonic film palina hi nakkum 2027 March khian tihchhuah hman an beisei.