Taylor Swift, a lar zual zel kum tinin

Kum a thar a, US mipuite zai ngaihthlak nasat ber chu American Music Awards-a Artist of the Decade dawngtu Taylor Swift bawk niin a album thar ber 'Evermore' chu Billboard 200 chart-ah pakhatna a ni leh. Kum 10 bi a zo a, kum 10 bi thar kan kai leh chiah a, chu kum bi tharah pawh chuan Taylor Swift hming bawkin bul kan ṭan leh. A chuai hleithei dawn lo niin a lang.

Evermore hi nikum December 11-a a tlangzarh kha a ni a, kar thum chu chart topper a ni leh der tawh. Nikum chhunga album hralh kal ber chu Taylor Swift album tho 'Folklore' kha a ni a, 'Evermore' hi kumin lama hralh kal ber a ni leh thei mai ang em?

Album equivalent unit 53,800 lai hmu chhuak lehin chart topper a ni leh a, US-ah chuan 'Evermore' aia album ngaihthlak nasat kar hnih liam ta chhung khan a awm lo. Lil Durk 'The Voice' chu pahnihna a ni thung a, Pop Smoke 'Shoot for the Stars, Aim for the Moon' chu pathumna a ni.

Ariana Grande 'Positions' chu palinaah rawn invawrh lehin Playboi Carti 'Whole Lotta Red' chu pangana a ni thung.

Taylor Swift hi Billboard Artist 100 chart-ah kar 45 chu No.1 a ni tawh a, hetianga rei Artist 100 chart topper ni thei hi an la awm lo. Kum 2014-a Artist 100 chart Billboard-in a siam aṭang khan hetianga rei he dinhmuna ding hi an la awm lo a, Drake chu kar 31 awm tawhin Swift dawttu a ni a, The Weeknd chu kar 20 No.1 ni tawhin BTS leh Ariana Grande chu kar 15 ve ve an lo ni ve tawh bawk.

1    Evermore    Taylor Swift

2    The Voice    Lil Durk

3    Shoot For The Stars Aim For The Moon    Pop Smoke

4    Positions    Ariana Grande

5    Whole Lotta Red    Playboi Carti

6    Good News    Megan Thee Stallion

7    What You See Is What You Get    Luke Combs

8    El Ultimo Tour del Mundo    Bad Bunny

9    Legends Never Die    Juice WRLD

10 My Turn    Lil Baby