Abraham Lincoln lemah Tom Hanks

American actor leh filmmaker, Oscar pawh lo dawng tawh, Tom Hanks chu Starburns Industries siam 'Lincoln in the Bardo' ah US president hlui Abraham Lincoln lem a chang dawn. U.S. President 16-na lem a chan dawn bakah Hanks hian project hi a produce nghal dawn a ni.

Film adaptation hi George Saunders bestselling novel, 'Lincoln in The Bardo' behchhana siam niin, filmmaker Duke Johnson chu director leh producer a ni dawn a ni. Hanks hian character hrang hrang; astronaut, Washington Post editor, Fred Rodgers leh a dangte a lo chang tawh a, mahse U.S. President lema a chan vawikhatna tur a ni. Film hi Starburns Industries aṭangin Johnson, Paul Young leh Devon Young Rabinowitz-ten an produce dawn a, Steven Shareshian, Aaron Mitchell leh Saunders-te chu executive producer niin production hi London-ah neih a ni ang.