Fan-te duh ber Hilary Duff album thar ‘Luck… or Something’

Billboard-in kar hmasa chhunga rimawi chhuak thar zinga fan-te duh ber thlanna poll a siamah American actress leh singer, Hilary Duff album thar ' ‘Luck… or Something’ chuan duhtu ngah berin vote thla 64% a hmu. Rimawi chhuak thar thlan tur dah chhuah an hrawl hlawm hle a, heti chung hian Hilary album thar tluk zo an awm ta lo a ni.

Poll-ah hian tunlai rimawi huanga thawm nei lian tak tak SZA, Ty Dolla $ingh, Megan Moroney, leh Baby Keem-te dah lan an ni a, Duff dawtah hian Megan Moroney hla thar 'Cloud Nine' chuan vote 14.72% a hmu phak. Baby Keem hla thar 'Ca$ino' chu pathumna niin 6.42% a hmu tling pha ve bawk.

Duff album thar hi kum sawm chuang rimawi a tihchhuah loh hnua tihchhuah niin, a full-length LP parukna a ni. Mipui thinlung a la hneh zia a lang a ni. Kumin nipui hian global tour a nei nghal dawn a; US, Canada, Mexico, UK, Ireland, Australia, leh New Zealand-ahte show hi neih tum a ni.