Curebound Concert for Cures headline-ah Pink

American singer-songwriter, Pink chu kumin May 15-a San Diego-a Petco Park-a Curebound Concert for Cures headline atan ruat a ni. He show hi puitling leh naupang cancer natna laka invenna, hmuh chhuah leh enkawlna tur atana cancer research nei ṭhin Curebound organization puihbawmna tur a ni.

Curebound Concert for Cures-ah hian Elton John, Ed Sheeran leh Alicia Keys-te chu headline an lo ni tawh. Curebound hian cancer research grant atan USD mtd 51.5 a pe chhuak tawh a, puitling leh naupang cancer natna 23 zirchianna 170-ah ṭanpuina a pe bawk a ni. Curebound CEO Robin Toft chuan headline atan Pink an hmang thei chu lawmawm a tih thu leh, a talent ropui tak hmangin he natna do kawngah Curebound tan a thawhhlawk dawn hle a ni, a ti.