Snapchat-in "The Snappy" awards a ṭum khatna atan buatsaih dawn

Multimedia instant messaging app hlun leh lar, 'Snapchat' chuan Nilaini khan an platform kaltlanga creator-te dinhmun chawisan a nih theihna tur awards show buatsaih an tum tih an puang. Company chuan he awards show hi "The Snappy" tih a nih thu sawiin, Snapchat awards hmasa ber hi March 21 ah sem tum a ni.

The Snappy hi platform chhunga creator-te puala duan a ni a, award sem tur hi "Spotlight MVP", "Best Storyteller", leh "Breakout Creator of the Year" te a ni nawk dawn. Heng bakah fashion, beauty, sports, music, food, leh games huangah award hi siam a ni bawk ang. Category dang - collaboration, comedy, leh cultural impact pawh awards hian a huam dawn bawk.

Company chuan The Snappy hi creator-te chu user ang ringawt ni loa artist, entertainer, leh cultural leaders an ni zawk tih lantirna atana hmalakna a nih thu a tarlang. Snapchat hma hian TikTok chuan awards show a lo buatsaih tawh a, hetiang lam hawi tho hian awards pawh hi kalpui a nih rinna a lian hle.