PM Modi-a'n Instagram-ah follower mtd 100 nei tling

Prime minister Narendra Modi chuan Ningani khan, khawvela ram hruaitu zinga a hmasa ber atan Instagram-ah follower mtd 100 a nei tling ta. PM Modi hian Meta enkawl platform hi kum 2014 khan a hmang ṭan a, khawvela politics hruaitu mi langsar tam takte aiin follower hi a nei ngah tawh zawk a ni.

Modi hian US president Donald Trump aiin Instagram-ah hian a let hnihin follower a nei tam zawk a, Trump hian follower mtd 43.2 a nei mek a ni. Indonesia president Prabowo Subianto chuan follower mtd 15 neiin, Brazil president Luiz Inacio Lula da Silva chuan mtd 14.4 a nei bawk. Turkey president Recep Tayyip Erdogan chuan mtd 11.6 a nei a, Agentina president Javier Milei chuan mtd 6.4 a nei. India rama politics hruaitu zingah Uttar Pradesh chief minister Yogi Adityanath pawhin follower mtd 16.1 neiin, Congress hruaitu Rahul Gandhi chuan follower mtd 12.6 a nei bawk a ni.