Rock & Roll Hall of Fame nominee puang

Rock & Roll Hall of Fame chuan kumin atana lak luh tura chhawp chhuah mi 17 puangin, contender list-ah hian genre a huam zau hle.

Jeff Buckley, Phil Collins, Melissa Etheridge, Lauryn Hill, INXS, New Edition, Pink, Shakira, Luther Vandross leh Wu-Tang Clan-te chu nominee an nih vawi khatna niin, nominee atana thlan nawn leh zingah Black Crowes, Mariah Carey, Billy Idol, Iron Maiden, Joy Division/New Order, Oasis leh Sade-te an tel. Vawi thum nominate lo ni tawh Carey, Iron-Maiden, Joy Division/New Order leh Oasis-te chu lak luh an nih tawh ngei a rinawm.

Kumin April thla list aṭang hian vote thlak a ni dawn a, voter 1,200 in an thlan chhuahte chu puan nghal a ni ang. Special committee category pathum- Musical Influence, Musical Excellence leh Ahmet Ertegun Non Performer Award hnuaia inductee pawh an hming tarlan a ni dawn a ni.