'Moulin Rouge! The Musical'-ah Megan Thee Stallion

American rapper leh songwriter Megan Thee Stallion chu a vawi khatna atan, 'Moulin Rouge! The Musical' ah a inlan dawn. Nightclub impresario Harold Zidler lemah a chang dawn a, he part hi Tony winner Danny Burstein siam a ni. Kumin March 24 aṭanga May 17 thleng A1 Hirshfeld Theatre stage-ah show hi neih a ni ang.

Megan Thee Stallion hi khawvel pum 'Moulin Rouge' production-a hmeichhe performer zinga he character chang thei hmasa ber a ni dawn. Burstein-a'n production a chhuahsan hnuah Tituss Burgess, Boy George leh Wayne Brady te chuan Parisian-ah Harold Zidler character an lo chang tawh a ni. Bob the Drag Queen chuan kumin March 22 thleng he character hi a chang dawn a ni.

'Moulin Rouge! The Musical' hi kum sarih chhung Broadway-in a tihchhuah hnuah July 26 hian a tawp khar a ni dawn a, regular performance 2,265 leh preview vawi 24 nei tawhin, Broadway-in show a siam tawh zinga an kalpui rei ber 36-na a ni pha.