Kum khat tling loah Mumford & Sons-in No.1 album 2 nei

English folk rock band, Mumford & Sons chuan an studio album parukna 'Prizefighter', February 20-a tlangzarh chu UK album chart-ah No.1 an nih pui a, kum khat pawh tling loah No1-ah album pahnih an lanpui thei. Band album hnuhnung ber dawttu, 'Rushmere' chu nikum March khan UK Album chart-ah No.1 a lo ni tawh a, thla 11 a liam awrh tihah album thar hi tichhuak lehin No.1 an nihpui lehnghal thei a ni.

Prizefighter album hi band album zinga No.1 ni leh thei palina niin an album dang Sophomore album Babel leh Wilder Mind, Sigh No More, leh Delta-te chu chart dinhmun sang berah an lo lanpui ve tawh bawk. Album tharah hian mi hrang hrang Chris Stapleton, Hozier, Gracie Abrams leh Gigi Perez-te thawhpuina hla a awm tel bawk.