Tom Holland leh Zendaya innei

English actor, Tom Holland leh American actress, Zendaya-te chu an innei tawh tih Zendaya stylist Law Roach chuan Actor Awards red carpet-ah a sawi. Roach chuan reporter zawhna chhangin, an inneih tawh thu leh thudik a nih thu a sawi.

Tom leh Zendaya-te hi kum 2016-a tihchhuah Marvel film 'Spider-Man: Homecoming' ah intawngin, kum 2021-ah an inkawp tih hi puanzar a ni. Kum kaltaa Golden Globes ceremony-a Zendaya-i'n diamond zungbun a bun tih an hmuh hnuah an inhual tih thuthang a tam hle.

Holland leh Zendaya-te hian kum 2019 khan 'Spider-Man: Far From Home' ah an role ngai Peter Parker leh Michelle Jones Watson chang lehin, kum 2021-ah 'Spider-Man: No Way Home' ah an chang leh bawk. Kumin June thlaa 'Spider-Man Brand New Day' leh July thlaah director Christopher Nolan film 'The Odyssey' tihchhuah turah an chang dun dawn bawk a ni.