Amtea leh Didiki An unauin Krismas music video tichhuak

Ṭhazual chart-a pakhatna unaua a hran ve vea luah thei, Didiki leh Amtea te chuan Krismas music video an siam a, nizan khan Pathian hnenah hlanin vawiin hian MDM Library-ah an pe ang.

Amtea leh Didiki te unau Krismas hla hi ëMari, i hria emí tih a ni a, an unaua music video an siam dun hmasak ber a nih bakah Krismas music video an siam hmasak ber a ni bawk. He hla hi Amtea lehlin a ni a, ani hian hla eng emaw zat a letling nual tawh.

Amtea chuan, ìKan unau hian music video kan la siam miah lo a, mi hian siam turin min ti fo ṭhin. A zai dun hrim hrim hi chu kan zai dun fo a, music video-ah bik chuan tun hi a vawi khatna a ni,î a ti. ìMusic video siam dun hi kan tum fo tawh a, mahse keimah hian project neuh neuh ka neih avangin kan ti lawk thei lo a ni,î a ti bawk.

Didiki bik hi ëVa chuan nang cheí tih hla a hlawhtlinpui viau hnu khan music video pahnih a siam a, chumi hnu chuan a reh zui a, kuminah phei chuan music video a nei miah lo a, tun Krismas hla hi a music video neih chhun a ni. A nuṭa Amtea chuan, ìNakkum hi chuan music video tihchhuah ka tum,í tiin min hrilh a, amah hi nawr ngai chi hi a ni ve reuh a,î a ti. C. Lalrindiki hian kum 2013 khan ëVa chuan nang cheí hla hmangin Ṭhazual faknaah pakhatna vawi hnih a luah a, kum 2014 khan ëDanglam lo Kristaí a tichhuak leh a, nikum khan ëMamawh chhannaí a rawn hlawhtlinpui a, pakhatna bawk he hla hmang hian a luah.

ëKa thlang ber cheí tih hla hmanga kumina a zawna pakhatna vawi thum ngawt luah thei Amtea hian nakkum kum tir lamah music video dang buatsaih leh a tum. Amtea hian music video-ah ringawt tawp a tum lo a, album lam pawh a sawi ri a, amaherawhchu zirlai lamah a la buai deuh avangin a duh ang tipuitling turin hun e≠rawh a la nei tawk lo. ìṬum khata album buatsaih tura beih thut chu a buaithlak deuh a, chuvang chuan hla hi ka khawl chho bek bek. Ruahmanna ka siam a, tihpuitlin chhoh zel tur chi a ni,î a ti.

Tuna an music video thar ëMari, i hria emí tih hla hi live recording tih a ni a, Kings & Prophets Studio-a record a ni.