Rae Sremmurd a la che ṭha zel

Billboard Hot 100 lamah chuan Rae Sremmurd an la che ṭha zel a, an hla ëBlack Beatlesí chuan pakhatna a la luah. Mannequin Challenge-a unofficial music-a hman ëBlack Beatlesí hian a zawnin chawlhkar ruk chhung pakhatna a luah tawh a, he hla hi Rae Sremmurd leh Gucci Mane te sak a ni.

Billboard Hot 100-ah hian hla thar a lang nual a, chung zinga langsar ber chu Taylor Swift hla, Fifty Shades Darker-a original soundtrack ëI donít wanna live foreverí chu paruknaah a rawn lang. He hla hi Billboard Hot 100-ah tuna Swift hla hi Swift tan top 10-a lang thei hla 20-na a ni.

Chhinchhiah tlak dang chu The Weeknd hla ëStarboyí a ni. He hla hi Billboard Hot 100 siam ṭan tirh
aṭanga kum 58 chhungin, a zawna pahnihnaa chawlh≠kar riat chhung awm thei, pakhatna thleng pha chiah lo 10-na a ni. Ed Sheeran-a hla ëThinking out loudí pawh kha a zawnin chawlhkar riat chhung pakhatnaah a awm a, hemi hnua hmasa leh ber chu Starboy hi a ni.