Mizoram Music Festival Sialsuk Tlangah zaithiam rual

Mizoram music history-a band ṭha ber ber - Albatross, Dream Hunter leh Tribal Power che vel tur en a chakawm rualin tunlaia thawm nei lian bera chhal ngam, LilZo leh Triau Trackx an inlar dawn a, hun rei tak Mizote awi tleitu zaithiam rual an inlan dawn; December 29 & 30-a Sialsuk Tlanga rimawi kutpui turin ngaihven a hlawh ta hle.

Krismas leh Kumthar inkar chawlh lai a nih dawn av‚ngin organiser leh Sialsuk khawtlang lam chuan ëchhungkuaa kalna tlakí ngeia he hun hi siam an tum a, Sialsuk khawtlang chuan an khaw tlang mawi tak tlawh turin Mizoram mi zawng zawng an sawm. Sialsuk awmna hi a laili ṭha a, Aizawl aṭangin a hla loin kawng a nuam a, chutiang bawkin Ser≠chhip, Thenzawl leh Lunglei bakah khawpui lian dangte aṭang pawhin pan khawm remchang tak a ni.

Zai tur list en hian music chi hrang a kim hle dawn a, puipunna ṭhenkhat anga va zai zawka bo vang vangna chi ni loin, a performer leh mipui tan pawha ënuam thamí turin hun pek an ni ang. Stage pahnih a awm dawn av‚ngin awlsam takin an inchhawk zung zung thei dawn a, Active Sound lamin light leh sound an buaipui dawn a ni. Ei leh in tuihnai a awm dawn a, naupang infiamna a hranpaa buatsaih a ni bawk.

December 29 chawhma Dar 11:30-ah programme ṭan tur a ni a, programme ṭan hma pawhin a tlang vel chuan tura tlawh theih reng a ni. L‚m Intihsiak a awm dawn a, Mizo Dance Camp lamin an buaipui ang a, Mizorama l‚m thiam an tel kim hle ang. Pakhatnain Rs 50,000 zet an hlawh dawn av‚ngin lam ngaina tleirawl leh
ṭhalai lam chu intihsiakna en tur hian ṭhahnem tak an kal rin a ni.

December 29 & 30-ah hian chhun aṭanga zan lam thleng Mizoram Music Festival hi kalpui a ni ang.