Rock & Roll Hall of Fame-ah Tupac Shakur

Music khawvela chawi≠mawina leh ngaihhlutna lantirna ropuia ngaih, Rock & Roll Hall of Fame-a lakluh tur zingah hip-hop khawvela mi ropui leh hriat≠reng hlawh tawh tur Tupac Shakur a tel.

Music huang chhung≠ah chuan Rock & Roll Hall of Fame-a hming chuangkai pha nih hi hlawhtlinna ropui taka ngaih a ni. Nakkum khian zaithiam eng emaw zat lakluh an ni leh dawn a, hetah hian Tupac Shakur pawh a tel a, ani bakah rock band hlawhtling
ṭhin Pearl Jam pawh an tel.

Kumin hi Rock & Roll Hall of Fame-a lakluh theih tura tlin ngaite Tupac Shakur-a tlin kum a ni a, lakluh tur a nih leh nih loh ngaihtuah a nih hnuah lakluh tur zingah hian a tel dawn ta a ni. Rock & Roll Hall of Fame-a lakluh tura ngaihtuah theih tur chuan an record hmasa ber, album emaw single emaw pawh, kum 25 tal a tlin a ngai. Tupac hi a single ëBrendaís Got a Babyí avangin ngaihtuah theih a ni pha chiah chiah a ni.

Kum 2017-a lakluh tur atan musician 900 vel aṭangin mi 19 lai nomi≠nee-a chhawpchhuah an ni a, Tupac leh Pearl Jam bakah Yes, Journey, E.L.O. leh John Baez te pawh an tel. Vanduai zingah Janeís Addiction leh Janet Jackson te an tel. Tupac hi hip-hop artist, Rock & Roll Hall of Fame-a lakluh parukna tur a ni. Kum 1996 September thla khan Las Vegas-ah kahhlum a ni.