Harry Styles concert Netflix-ah stream dawn

English singer-songwriter leh actor, Harry Styles chuan a album thar, 'Kiss All the Time. Disco, Occasionally' hmanga Zirtawpnia Manchester, England-a concert a neih tur chu Pathianni, March 8, an ram huna zan dar 7-ah Netflix-ah stream a ni dawn. Styles hian kum thum hnua show a neih lehna hmasa ber tur a ni.

Tun ṭum a concert tur hi 'Harry Styles. One Night in Manchester' tih niin, Fulwell Entertainment in an produce dawn a ni. March 6-a Manchester-a concert a neih zawhah, world tour leh multi-night residency chu ram pasarihah a nei chhunzawm ang. A tour hi 'Together, Together' tih niin, May 16-ah show 10 hmangin Amsterdam-ah khuh hawn a ni dawn a, London-ah zan 12 a perform bawk ang. São Paulo, Brazil-ah show vawi li, Mexico-ah show vawi ruk, New York City Madison Square Garden-ah show vawi 30, Melbourne, Australia-ah zan thum leh Sydney-ah show vawi hnih a nei ang.