Roxette music stream 770%-in a pung

Tunlai khawvelah chuan album hralh tam ai mahin music stream tam lam hi hla lar leh zaithiamte lar dan tehna ber a ni tawh mah zawk ti ila kan sawisual tam awm lo e. Zaithiam emaw band emaw pawhin reunion an neih emaw, an thih emaw hian an music stream hi a pung hluai zel a, chu chu khawvel kalphung pakhat a ni chho mek.

Roxette pawh hi an hlui ve deuh tawh bawk nen, an music stream-tu an tam vak tawh lo ngei ang. Mahse December 10-a Marie Fredriksson thih thu puan a nih aṭang khan an music stream hi 770% zetin a pung. Nielsen Music-in report a tihchhuahah chuan December 8 leh 9 nena khaikhin kha chuan December 10 leh 11-a Roxette music stream hi 770% zetin a pung a, heihi video leh audio stream belhkhawm a ni. December 8 leh 9 khan stream  5,14,000 an nein laiin Dec 10 leh 11-ah kha chuan stream maktaduai 4 chuang an nei thung.

'It Must Have Been Love', 'Listen to Your Heart' leh 'The Look'-te chu stream nasat zual niin, 'It Must Have Been Love' phei hi chu maktaduai 1.4 zet stream a ni.