2019 Miss World Miss Jamaica Toni-Ann Singh
Miss Jamaica Toni-Ann Singh hnenah Inrinni khan 2019 Miss World title hlanna neih a ni. 2019 Miss World winner puanna hi Inrinni kha London-a ExCeL London-ah neih a ni a, Miss Jamaica Toni-Ann Singh hnenah crown hlan niin, Miss France Ophely Mezino chu first runner up a ni a, Miss India Suman Rao chu second runner up a ni bawk.
Miss World title a dawn hma hian Miss Jamaica chuan khawvel thlak danglamna tura nawrtu hmeichhiate ai a awh thu a sawi. Crown khumtir a nih hnua judge Piers Morgan zawhna chhangin mumang ang mai a nih thu leh a lawm thu a sawi a ni. Toni-Ann Singh hi kum 23 mi a ni a, Morant, St. Thomas, Jamaica-ah piangin Florida State University aṭanga psychology and women studies graduate a ni bawk.
Jamaica hmeichhe zinga Miss World title dawng thei palina a ni a, 1993 hnu lama dawng leh thei hamsa ber a ni thung. Top 5-ah hian Miss Nigeria Nyekachi Douglas leh Miss Brazil Elis Coelho-te pawh an lang a, mahse top 3 erawh an inhlangkai zo ta lo thung.
Miss India Suman Rao
India aiawha 2019 Miss World-a tel Suman Rao hi Femina Miss India 2019 atan June thla khan thlan a ni a, second runner up niin Miss World Asia-ah thlan a ni nghal bawk. Kum 21 mi niin Rajasthan state mi a ni a, University of Mumbai-ah Chartered Accountant (CA) a zir mek bawk.