Miss Mizoram 2026 : District Miss pahnih thlan ni tawh: Open Audition-ah mi 10 an tel

ZONET TV Pvt Ltd leh Mizoram Journalists' Association-in Miss Mizoram 2026 thlanna an neih tur atan inbuatsaihna ngawrh taka kalpui chhoh mek a ni. Direct entry-a tel tur, District Miss pawh thlan ṭan niin, Serchhip leh Mamit district-ten an thlang fel tawh.

Serchhip leh Lawngtlai chuan Miss Mizoram 2026 thlannaa tel turin District Miss an thlang tawh a, Miss Mizoram Serchhip 2026 atan Vanlalṭanpuii, Serchhip Bazar Veng thlan a ni. Miss Mizoram Lawngtlai 2026 atan Ṭhahleimawii, Bethel Veng chu thlan a ni bawk. District dang pawhin an thlan fel thuai rin a ni. District Miss te bakah College Miss-te chuan direct entry neiin, audition an patlang a ngai lo. College Miss tel tur, mi parriatte chu puan an lo ni tawh bawk .

Nimin khan Miss Mizoram 2026 thlanna neih tur atan Hyve City Hall, Aizawlah Open Audition neih a ni bawk a, mi 10 an tel. Audition result hi vawiinah puan a ni ang.

Miss Mizoram 2026 atana thlan hian lawmman pawisa fai Rs 2,000,000, scooty leh foreign trip bakah thilpek dang eng emaw zat a dawng dawn a ni.