Diplo-a'n 'ARMY' te amah dim turin ngen

American DJ, songwriter leh music producer lar, Diplo chuan Korean boy band BTS fan 'ARMY' hnenah album thar tihchhuah hnuah a laka zahngaihna lantir turin a ngen. Ngenna a siam chhan hi BTS album thar tur, 'ARIRANG'-a hla panga track chu ama produce a nih vang niin, BTS a thawhpuina hlate a mawi dawn em avangin ARMY thawm na tak takte a chhaih fiamna lam zawk a ni.

Diplo hian a Instagram account-ah BTS member Jung Kook leh RM-te nena an thlalak hona leh, album thar ARIRANG tracklist screenshot chu post-in, a hming chu production credit-ah hian a lang tel bawk. Post siam caption-ah hian "ARMY please be nice.... I made 5 of these" tih a hmang. BTS album thar tur chungchanga TMZ-in an kawmnaah Diplo chuan album thar hian khawvel a ṭhawn hle tur thu a sawi chhuak tawh bawk. Album-a hla zingah "Body to Body", "FYA", "One More Night", "Like Animal", leh "Into the Sun" te chu Diplo produce-te hi an ni