SXSW showcase-ah Alanis Morissette leh Ella Langley

Global audio streaming service, Spotify-in an service kum 20 tlin lawmna atana South by Southwest (SXSW) showcase an buatsaih turah Canadian-American singer-songwriter Alanis Morissette leh American singer-songwriter Ella Langley-te an perform dawn a, DJ atan St.Vincent ruat a ni. Wilson, Junior H, Don Toliver, Mau P, Fuerza Regida, BigXThaPlug leh Lola Young-te chuan musical performance an nei bawk ang.

Morissette hi kum 1998 khan a studio album 'Jagged Little Pill' hmangin industry-ah a che ṭha hle a, album hralh chhuah hnem ber pawl a ni pha. St.Vincent hi kum 10 chuang artist thil thar hmuh chhuah kawnga a thiam ber pawla ngaih niin, Langley hian a single thar ber, 'Choosin’ Texas' chu kumin Hot 100-ah kar hnih chhung No. 1 a nihpui tawh bawk. Spotify hi kum 2006 April thla khan Daniel Ek chuan dinin, rimawi hmanga sumdawnnaa service pawimawh ber zinga mi a ni tawh a ni.