AI music company CMO atan Charlie Puth ruat

American singer-songwriter, Chalie Puth chu AI music platform Moises chief music officer atan ruat a ni tih company chuan Nilaini khan a puang. Puth chuan kum eng emaw zat Moises platform a lo hman tawh thu sawiin, a ṭhian tam takin an hmang tih a sawi bawk.

Puth hian AI music technology-a chanvo pawimawh a neih vawikhatna a ni. Kum 2023 khan Puth bakah Charli XCX, Demi Lovato leh John Legend-te chuan YouTube AI music experiment Dream track-ah an aw hman an lo phal tawh a ni. Platform chuan studio setup na atana hun rei tak leh sum tam tak an sen ṭhinna a tiziaawm tih sawiin, AI chu musician-te thlaktu tur ni loin, artist-te thiamna tipung tur leh inzir belh zel tura puitu a ni, a ti. Moises CEO Geraldo Ramos chuan rimawi chu technology ang bawkin a inthlak danglam ve reng tih tarlangin, AI chu hun lo awm tur atan a ṭangkai tih a sawi.