Roblox-in AI hmanga siam 'Text-Filtering System' feature tichhuak

Khawvel huapa naupang leh tleirawl piah lam puitling thlenga an khelh nasat, ROBLOX chuan ram hrang hrangah kum naupang zawkte tana in-game chat a him lo nia khinna an tawn fo hnuah, AI hmanga duan chat-a ṭawngkam mawi lo hmante ṭawngkam pangngaia thlak danglam thei tur feature thar a tichhuak tih an puang.

ROBLOX AI feature thar hmang hian In-game chat a ṭawngkam dukdak lo hmante chu thlitfim zel a ni dawn. AI chat filter-na hian ṭawngkam mawi lo telna ang chi "Hurry TF up!" tih ang ṭawngkam te chu "Hurry Up!" tihin, chhiar nuam zawkin a lo thlak zel thei tawh dawn a ni. Company chuan text-filtering system chuan ṭawngkam hman phal loh ang chi hrang hrang dang pawh a lo hre hrang zel thei tawh dawn niin an tarlang. Feature thar hi ROBLOX-in user chat hman tumte tana facial verification a tlangzarh rualin a tihchhuah ve nghal thu an tarlang.