'Ramayana: Part 2' Mumbai-ah filming nei ṭan

Indian actor Ranbir Kapoor leh Sunny Deol-te channa, mythological epic 'Ramayana: Part 2' chu Mumbai-ah filming neih ṭan a ni.

Ranbir Kapoor channa 'Love and War' film siamtu Sanjay Leela Bhansali chu hriselna lamah harsatna a neih avangin Kapoor shooting neih hun tur pawh tidanglamin kumin May thlaah shooting neih chhunzawm tura ruahman a ni. He thil vang hian Nitesh Tiwari direct 'Ramayana: Part 2' hi March leh May thla inkarah shooting an nei thei dawn ta thung a ni. Lord Hanuman lema chang Sunny Deol pawhin March 20-ah shooting a nei ṭan bawk ang. Film hi part hniha tlangzarh tur a ni a, installment hmasa zawk hi nakkum Diwali-a tlangzarh turin an ruahman.