PUBG Mobile leh Jujutsu Kaisen thawk dun dawn

PUBG Mobile developer, KRAFTON chu Japanese anime series Jujutsu Kaisen nen an thawk dun dawn. Kumin March 13-a Version 4.3 an tlangzarh turah hian anime behchhana siam content leh experience thar a awm dawn a ni.

Tun hi PUBG Mobile leh Jujutsu Kaisen an thawhdun vawi hnihna tur niin, kum 2022 khan an lo thawkdun tawh a ni. Hemi ṭum hian KRAFTON chuan series main character- Yuji Itadori, Megumi Fushiguro, Nobara Kugisaki leh Satoru Gojo-te an feature a, Cosplay set dah tel a ni bawk. Tun ṭumah hian KRAFTON chuan Jujutsu Kaisen an feature dan tur an la tarlang loa, mahse, feature thar, spawn island thar, effect leh facility bakah ralthuam thar leh combat tool thar eng emaw zat a awm dawn tih PUBG Mobile thuchhuah chuan a tarlang.

Game-ah hian gameplay mode thar Temporal Vault tih a awm dawn bawk a, player-te chuan PUBG Mobile era hrang hrang chanchin leh, classic map bakah mechanic an lo hman tawh ṭhinte an en let thei dawn a ni.