Paramount+ in Garfield animated series siam leh dawn

Streaming service lian Paramount+ chuan Garfield animated series thar siam an tum tih an puang. Kum 2021 khan 'Garfield Originals' siamin, kum 2024-ah 'The Garfield Movie' an siam leh a ni. Series tharah hian American actor leh comedian, Lomorne Morris chuan Garfield aw a thawh dawn a ni.

Series thar hi Nickelodeon Animation Studios chuan a produce dawn a, Dave H. Johnson leh John Trabbic III-te chu executive producer an ni ang. Animated series thar hi Nickelodeon leh Paramount-in kum 2019-a Garfield neitu Paws Inc. an lei aṭanga kum ruk hnuah an siam dawn ta a ni. Fan-te tan Paramount Shop chuan USD 25 man 'Lasagna-Yeah!' tih inziak kawr leh, Garfield comic strip chu lei theihin an chhawp chhuak bawk.

Kum 2024-a 'The Garfield Movie' kha Columbia Pictures chuan Sony Pictures Releasing kaltlangin a tlangzarh a, khawvel pumah USD mtd 257 a la lut tling. A sequel-ah hian voice character atan Chris Pratt pawh ruat leh a ni.