Indonesia-in kum 16 hnuai lam tan social media khap

Indonesia chuan kum 16 hnuai lam tan social media hman a khap ve leh ta. Communications and Digital minister Meutya Hafid chuan March 28 aṭangin kum 16 hnuailam account tihtawpna hi kalpui a ni dawn tih a sawi.

Minister chuan YouTube, TikTok, Facebook, Instagram, Threads, X, Bigo Live leh Roblox platform-a kum 16 hnuai lamte account tihtawp a ni dawn tih tarlangin, sorkarin nu leh pate a puihna a nih thu a sawi bawk. Australia-in khawvela a hmasa ber atana kum 16 hnuailam tana social media a khap hnuah thutlukna hi an siam ve leh a ni. Australia-ah hian sorkar thuchhuah zawm lo social media company chu USD mtd 32 thlenga chawitir theih an ni. Indonesia hian Australia zulzuiin kalpui ni mah se, social media mai bakah online gaming leh e-commerce platform hrang hrang a khap tel thung.

Khapna hi kum zat bithliaha kalpui a ni dawn a, kum 13 hnuai lam chuan an tan bika siam platform chauh an hmang thei dawn a, kum 13 leh 16 inkarte chu platform him chin nia ngaihah an nu leh pate remtihnain an hman phalsak a ni ang.