Keanu Reeves telna band "Dogstar" in album tlangzarh dawn

Lemchan khawvela mipa thawm nei lian leh ngainat hlawh, Keanu Reeves telna band 'Dogstar' chuan an album thar 'All in Now' chu kumin May 29 khian an band enkawl label, Dillon Street Records kaltlangin tlangzarh tum a nih thu an puang. Album thar hi tihchhuah a nih chuan band hminga studio album an tihchhuah palina tur a ni ang.

Band-ah hian member pathum an awm a, Keanu Reeves hi bassist niin Bret Domrose chuan guitar leh vocals a khawih thung a, drummer hi Robert Mailhouse a ni. Band member-te chuan album thar tihchhuah tur chu an phur hle tawh thu sawiin, Keanu pawhin 'Mimal takin studio kan lut hi ka lawm a ni' a ti a, drummer Mailhouse pawhin album thar tur chuan hun hlimawm tak a pek thu a sawi.

Album tihchhuah tur chungchang an puanzar hnu hian Dogstar chuan US huam chhung hmun hrang hrangah ni 25 chhung tour neihna turte an tarlang nghal bawk. Hei bakah hian album title track 'All in Now' music video pawh an tichhuak nghal bawk a ni.