Pixar-in 'Elio' animation-ah LGBTQ storyline cut vek

American computer animation studio lian, Pixar-a creative officer ni lai Pete Docter chuan an animation tihchhuah hnaivai ber 'Elio' aṭangin LGBTQ lam hawi chanchin tarlanna storyline chu cut chhuah vek a nih thu Wall Street Journal-in a kawm ṭumin a sawi chhuak. Pete Docter hian Pixar kutchhuak 'Monster Inc.,' 'Up,' leh 'Inside Out,' te kha a lo direct tawh bawk.

Elio animation hi nikum June-ah khan tlangzarh niin khawvel pumah USD mtd 150 sum a la lut tling. Elio film kalhmang hmasaah hian main character Elio chu gay anga lantir a nih bakah, scene ṭhenkhatah chuan Elio hian scooter senno khalh chunga a mipa crush nen an cheng dun lai a mitthla laite tarlan a ni. Hemi avang hian Pixar staff zingah pawh innghirnghona a awm phah hial a ni.

Docter chuan WSJ-in a kawmnaah hian Pixar hmalak dan hi a sawi chhuak a, entu naupang zawkte chu an hriat tur atana la ṭul lo aṭanga thiarfihlim chu an duh thu sawiin, "Maktaduai tam tak hu therapy ni loin, movie zawk a ni kan siam ni" tiin LGBTQ lam hawi an tarlan loh chhan hi a sawi chhuak.