Apple iPhone pali zela pakhat India-a siam ang a ni

Khawvel huapa technology company lian Apple chuan iPhone an siam chhuah aṭanga 25% chu India-ah an siam tih sawiin, hei hi China thil siam a innghahna tihtlem an tumna hlawhtlinna peng pakhat a nih thu Bloomberg report chuan a tarlang. Hmalakna a hlawhtlin theihna tur hian nikum September-a tlangzarh, iPhone 17 lineup zawng zawng chu India-ah vek remkhawm a ni.

Nikum chhung khan India aṭanga iPhone siam chhuah zat chu maktaduai 55 tlingin khawvel puma siam chhuah zat hi maktaduai 230 vel a ni. Apple CEO Tim Cook chuan US mamawhna tam zawk hi India aṭanga siam chhuah hmangin phuhruk theih a nih thu a tarlang.

India chu Apple market consumer tana hmun pawimawh tak ni chho mekin, nikum chhung khan unit mtd 14 ngawt India-ah thawn luh a ni bawk. India-a Apple a ṭhan zel avang hian kumin chhungin India-ah Apple Pay tihchhuah an tum nia sawi a nih bakah, thla hmasa lawk khan India-a Apple store parukna tur hawn belh a ni tawh bawk.