Kayne West-a'n Los Angeles-ah show nei dawn

American rapper leh songwriter, Kayne West chuan kum eng emaw zat hnuah United States-ah show a nei dawn tih puangin, kumin April 3 hian Los Angeles-a SoFi Stadium-ah concert hi buatsaih a ni ang. Ye hi a album thar 'Bully' tichhuak turin a inbuatsaih mek bawk a, March 27 hian tlangzarh tura ruahman a ni.

Kum eng emaw zat liamta chhung khan Ye hian social media leh interview-ah Judate huatna lam a sawi chhuak fo a, live performance pawh a nei tlem telh telh a ni. Kumin kum tir lam khan Mexico-ah perform-in, kum 2024 khan South Korea leh China-ah show a nei bawk a, SoFi Stadium-a a inlan hnuhnun ber chu kum 2024 kha niin, Rolling Loud-ah Ty Dolla Sign nen an inlan a ni. Los Angeles-a show a neih tur hi The Wall Street Journal-a Judate huatna ṭawngkam a neih ṭhin ngaihdamna thuziak a ziah zawh hnuah puan a ni.