Billboard Global 200-ah Bruno Mars 'Risk It All' a mawi ber

American singer, songwriter leh producer Grammy pawh ṭum 16 ngawt lo dawng tawhtu Bruno Mars chuan a album thar ber 'The Romantic' chhunga hla "Risk It All" chu Global 200 chart-ah No.1 a nih pui nghal. Bruno hian ama hla bil anga Global 200 chart a thunun vawi khatna a ni a, artist dang a thawhpuina 'Die With a Smile' leh 'APT' te kha Global chart-ah hian No.1 a lo nihpui tawh bawk.

'Die With a Smile' leh 'APT' hi chart- ah kar 18 leh kar 12 chhung No 1 ah an lang thei a, Bruno Mars hian ama pual hla hmang hian record a lo neih tawhte hi a khum thei dawn em tih pawh hriat a chakawm hle. Risk it All hla hian Global 200 chart hi stream mtd 51.7 chuangin a lead thei a ni. Pink Pantheress & Zara Larsson hla 'Statside' chuan 11-na aṭangin pahnihnaah a rawn kaisang dawrh a, Super Bowl Halftime show chhawr ṭangkai em emtu, Bad Bunny hla "DtMF" pathumnaah awmin, kar nga chhung No.1 a nih hnuah a tlahniam ve ta a ni.