ENHYPEN member Heeseung-a'n group chhuahsan dawn

South Korean boy group lar, ENHYPEN member zinga upa ber, kum 24 mi Lee Heeseung chuan group chhuahsanin solo in a kal dawn tih puang. He thu hi nimin khan an group agency, Belift Lab leh Heeseung ten an puang a ni.

Heeseung hian ENHYPEN chhuahsan mah se Belift hnuaiah a solo career hi a la chhunzawm zel dawn tho a, solo album tihchhuah a tum. ENHYPEN group hi member parukin an kal chhunzawm zel dawn tih Belift chuan a puang nghal bawk. Member pasarih - Heeseung, Jay, Jake, Sunghoon, Sunoo, Jungwon leh Niki te awmna, ENHYPEN hi kum 2020 November thlaa surival show, I-Land kaltlanga din niin, fourth-generation K-pop group hlawhtling ber zingah an tel tawh a ni. Nikuma world tour an neihah khan USD mtd 76.1 zet la lutin, Kpop artist zingah 2025 chhunga tour aṭanga sum la lut tam palina an ni pha.