Spotify aṭangin royalty USD mtd 1 dawng pha artist 1,500 chuang awm

Music streaming app lian ber pawl Spotify chuan nikum 2025 chhung khan an platform hnuaia artist inziaklutte hnenah hlawkna an tel theih, royalty USD mtd 11 a pek chhuah tawh thu Loud & Clear report-ah an tarlang. Royalty pek zingah USD mtd 1 dawng pha hi artist 1,500 chuang an awm.

Company hian kum 20 liam ta chhung khan royalty-ah USD mtd 70 dawn chu an lo pe chhuak tawh a ni. Kum 2025-a royalty pek zingah USD 100,000 dawng pha hi artist 13,800 chuang an awm bawk a, kum hmasa aiin sang chuangin an pung. Spotify platform kaltlang hian top artist 80-te chuan kum khatah USD mtd 10 an la lut tling a ni.

Spotify kaltlanga genre hit zual, kum khata USD mtd 100 la lut pha zingah Brazilian Funk hi ṭhang duang ber niin, K-Pop in a dawt a, Trap Latino pathumnaah awmin, Urban Latino leh Reggaeton-te pawh sum thawk chhuak tam genre zingah hian an lang pha ve bawk.