Mizoram Youth Festival 2019 A hlawhtling

Bethel Ministry buat­saih, Mizoram Youth Festival 2019 chu Pathian­ni zan khan a ṭiak ta. 

Youth Festival hi High School Field, Zar­kawt-ah neih a ni a, a tirah chuan December 12 leh 13 zana neih tura ruahman ni mah se, mi ṭhahnemngaite ngenna avangin December 14 leh 15 zanah chhunzawm a ni. 

Kohhran tih bik awm lo, Youth Festival thupui atan hian 'Fullness of Joy' tih hman niin, ṭhalaite rilrem zawng taka buatsaih a ni a, a hlawhtling hle. Zaithiam lar hrang hrangte leh lam thiamten hun an hmang a, Zofate zinga ngaihsan hlawh tak takte thusawite ngaihthlak ṭhin a ni bawk. Zantinin Bethel Ministry Speaker Frederick Lalrindika'n Pathian thuchah a sawi ṭhin a, Pathian hnathawh ropui tak langin, damlo damna chang eng emaw zat an awm a, thlarau lama Pathian tihdamna chang tam tak an awm bawk. Zantinin festival chhimtu an ṭhahnem thei hle a, Pathian fakin hun hlimawm tak an hmang thei a ni.