Miley Cyrus in iHeartRadio Music Awards-ah "Innovator Award" dawng dawn

American singer, songwriter leh actress ni bawk Miley Cyrus chu 2026 iHeartRadio Music Awards sem hunah, artist pop culture leh music industry huanga thawh hlawkte hnena chawimawina hlan ṭhin "Innovators Awards" a dawng dawn. Awards hi March 26 khian Dolby Theater, Hollywood-ah sem chhuah a ni dawn a, rapper Ludacris chuan show hi kum thum chhunga a vawi hnihna turin a host dawn a, FOX aṭangin stream a ni bawk ang.

Artist thawm nei lian hrang hrang zingah Pharrell Williams, Justin Timberlake, U2, Bruno Mars, Chance the Rapper, Alicia Keys, Taylor Swift, Beyoncé leh Lady Gaga te'n he awards hi an lo dawng tawh bawk. Miley bakah hian artist hrang hrang hnenah chawimawina hlan a ni dawn a; pop leh Indie pop singer Alex Warren pawh "Breakthrough Artist of the Year Award" a dawng ve dawn bawk.