'KPop Demon Hunters' sequel siam dawn

Netflix chuan an streaming platform-a film en hlawh ber, 'KPop Demon Hunters' sequel siam a ni dawn tih an puang. Tlangzarh hun tur erawh an la puang tel lo thung. Film sequel hi co-director Maggie Kang leh Chris Appelhans-ten Netflix nen multi-year deal an siam hnuaia project hmasa ber tur a ni.

He thu hi critic-ten Pathiannia neih tur, Oscar Award-a best animated feature leh best original song-a nominate an nihnaah film hmasa zawk hian award a dawn an rin thu an sawi hnuah puan a ni. Film original song 'Golden' chuan K-pop hla zinga a hmasa ber atan Grammy-ah best song written for visual media-ah award a lo dawng tawh a ni. Original film-ah hian Rumi, Mira leh Zoey-te chu a changtu ber an ni.

Kang chuan Korean filmmaker a nihna angin mipuiten Korean story leh Korean character an ngaihhlut bakah film dang siam leh tura an tihna chu lawmawm a tih thu a sawi. Film-a Rumi aw thawhtu Ejae pawhin a sequel-ah hian style thar a pholang dawn tih a sawi ve bawk.