Zaninah Winter Dance Showcase

Mizo Dance Camp Winter Dance Showcase chu zanin dar 7 hian Vanapa Hall ah neih ani tawh dawn a. He Showcase-ah November aṭanga December thla chhunga Winter Intensive-a zir chhuak te an perform dawn. Hei bakah hian kumin chhunga MDC Team member, intihsiakna hrang hranga lo chak tawh ten an piece neih ṭhat ber ber nen an rawn perform bawk ang.

Winter Showcase a perform tur zingah hian kumina Hip Hop International India, Mumbai-a neiha All Styles Battle Winner - Hriata Nintendo leh finalists crew Zo-Nation, bakah MSL Dance Battle Winner - Riborn Crew, TFL Dance Competition Winner - Jumpin Dolls, Lil Mizo Champ Winner - Zo Nation Junior, K-Pop Contest National Finalist - Krush leh Mizoram Catholic Faklam Intihsiak Winner - St. Maryís Parish Crew te an perform dawn.

Ticket hi Rs. 50 niin a hmunah hian a lei theih nghal dawn a, Showcase neih tur avang hian MDC buatsaih Christmas Carnival chu zanin atan khar a ni rih ang. Naktuk urlawk ni hian chawhnu dar 1 aṭang tlai dar 5 hawn a ni thung ang a, karleh chhung hian tlai dar 5 aṭanga zan dar 8 thleng hawn chhunzawm leh a ni bawk ang.